(Hardanger Folkeblad)
Frå torsdag 13. september vart det opna for samjakt mellom Røldal, Ullensvang, Eidfjord og Odda.
Årsaka er at ein vil sikra nok CWD-prøvar.
Fredag kveld melder Torleif Fresvik, leiar i Røldal fjellstyre, at ein frå søndag 16. september klokka 7 opnar dei vanlegvis freda områda i statsålmenningane.
Opninga gjeld ut jakta, altså til 23. september klokka 19.
Det betyr at dei som har kort i statsålmenningane fritt kan jakta villrein utan å ta omsyn til korridorar og grenser i Hordaland.